طفله اعاني

ثناء...

يما جهزي شنطنا رايحين يوصلنا نوح
يما مشينا وماعرفنا ان بنفقد روح الروح
قبل فقدنا اخويا علي والحين محمد ونوح
يما راحو 3من اخواني والبابا معاهم رحل

يما كنت نايمه مدري وش صاير بهالكون
سالوني عن الي صار للقصه يبون يعرفون
انا من هول الصدمه ساكته وتمنيت لو يسكتون
يمه صفي بجنبي خايفه حيل وانتي لي سلاح

يما شوفي وشو صار باخويا الصغير
بالحادث جمجمته تهشمت بالمعنى كسير
يما اصحي يا يمه وقومي من فوق السرير
اوقفي معي يايما انا بلياج في حاله ضياع

يما قومي وشوفي راحو كلهم وتركوني لحالي راحو اخواني عني وتركوني وراح معهم الغالي
يمه من بعد هاليوم وانا بصغري "طفله اعاني"
يمه اصحي وشوفي الحزن على وجهي لاح

يمه على خط قطر و بلحظة بدت معاناتي
يمه من بعد الفرحه والسفر انهمرت احزاني
يمه قومي يمه قومي وجددي لي امالي
انتي الامل الي يشعل بدنياي وعطرها الفواح

الام...

يابنيتي يالغاليه مقدر وسامحيني
ماهو غدر بالزمان انج تترکيني
انا بروح ولمکاني لاتساليني
انا بشوفج وکوني دايما رافعه للراس

يما ياثناء ماقدرت على رحيلهم
علي ومن بعده محمد ونوح وابوهم
سبقوني للجنه وانا ماني معهم
اسمحي لي يبنتي بروح لاجل القلب يرتاح

يايمه لاتنسين ان الله فوقج
في الشده والرخاء يسمع دعائج
ولاتنسي القران والمسبحه فصلاتج
واتركي الحزن كذا ترضي الرحمن

ثناء ..

يمه على وين رايحه وتتركيني
رجعنا للمدرسه يلا درسيني
فيقي يا يمه وتامليني
شوفي بنتج كيف وجهها من الحزن ذاب

يمه من بعدج من بيهتم فييني
يمه من غيرج بهالكون يسليني
يمه من بعد فرقاج من بيحتويني
اشهد ان هالحياه بدونج ماهي حياة

الام ..

احمدي الله يا ثناء واستغفريه
ويامحلا الدنيا اليا رضيتيه
بتهدائي من الحزن اذا ذكرتيه
الله خلقنا كلنا يا ماما وماببنسانا

لاتمتلي يا ثناء الشايب من الاحزان
هذا قدر مسجل ومكتوب من الرحمن
لاتبكي او تحزني مابنرجع حتى بلاثمان
ادعي لهم بالرحمه ولاتنسيني معاهم

في امان الله يا ابنتي ..
في امان الله ياصغيرتي ..
في امان الله يافلذة كبدي ...
في امان الله يا ثناء ...

ثناء..

يمه اذا كنتي تبيني اسكت راح اسكت
يمه لو كنتي ماتبيني احزن راح اهدا
يمه لو كنتي تبيني اصبر راح اصبر
بس تكفييين يا يممه ماترحلييييننن

ورحلت امي ورحل ابي ورحلو اخوتي الثلاثه


بقلمي (زينب عبدلله )
[كلمتي]
اعزي عائلة الشايب بفقدهم لاسرة يوسف الشايب

واقدم احر التعازي الى ابنتهم ثناء يوسف الشايب على مايحل عليها
واسال الله ان يلهما الصبر ونسيانها لماجرى
من مناظر الحادث وغيره

اختك بالله زينب عبدلله